Ketemu Mbak Gingsul

Aku arep melu-melu Mbak Ely posting ngganggo Basa Jawa.

Kala wingi, aku lunga nang Surabaya. Aku ketemu kancaku jenenge Mbak Niar. Wonge ayu, manis, apikan, grapyak, wah aku isa diwenehi sak yuta ki karo Mbak Niar. Pisanan aku ketemu Mbak Niar ki akhir April taun iki, nang City of Tomorrow, Surabaya. Pas kae aku dikancani karo mbakku, Mbak Lis. Sing keri iki aku dewekan. Mbak Niar kuwi wonge gayeng mangkane aku seneng karo Mbak Niar, ahaiiiii!

Awale arep ketemu dina setu, 10 November, nanging Mbak Niar kudu lunga menyang Jogja lan Solo. Deweke uga nawani arep ngejak dolan lan muteri Surabaya, nanging ora sido, amarga ana acara nang loro kutha mau kae. Sidane ketemu jemuwah bengi, nang panggonan sing padha karo sing pertama ketemu. Montor mabur sing tak tumpaki telat, aku wis ora yakin isa ketemu deweke, eh jebul Mbak Niar yo lagi ujian nang kampuse.

Gelem cireng?

Tekan Cito, Mbak Niar SMS aku yen deweke wis tekan. Aku mlaku munggah, eh lagi ngaca nang ngarep eskalator ana sing nyeluk, "cewek." Wah iki mesthi Mbak Niar ki... sapa maneh. Njuk salaman lan liya-liyane. Mbak Niar kuwi supergirl mergane sedina kuwi nyambut gawe, kuliah, ujian maneh, njuk mbengine ketemu aku, lan deweke ki isih seger, ceria, energik, setiap saat. Sumprit. Jare, deweke ora duwe udel, tegese, ora duwe kesel. Mbuh ya yen udel tenanan.

Mbak Niar nraktir aku, asik asik. Aku ditukoke es teh, cireng, lan Mbak Niar kepengen nyoba Takoyaki. Aku ditakoni Takoyaki kuwi enak apa ora, aku bingung, sebabe kanggo aku, kabeh ki enak je. *ngapusi ding. Bar kuwi, aku diwenehi Mbak Niar bando lan aku milih sing warna pink lan ungu, apik. Matur nuwun yo, Mbak.

Takoyaki... enakkk!

Banjur, wis jam setengah sepuluh luwih aku diterke Mbak Niar nganggo Bity-ne nang omah budheku, ora adoh saka panggonan awake dewe ketemu. Tekan omah budheku wis jam 10, mbuh deweke tekan omahe nang Sidoarjo jam piro. Mesthi kesel banget, nanging jare deweke ora. Wow!

Oiya, aku lan Mbak Niar ora lali foto-foto lho. Narsis narsis. Nganti dideloke wong liya, ben!

Mbak Niar mangane akeh banget, rek.

Iseng wae tak mosaic...

Ahahaha, terjemahannya: aku ketemu Mbak Niar!

❤❤❤

Angel juga rek nulis Basa Jawa. Aku ratau ngomong Basa Jawa sebanyak itu -_-"